Бүгін Үкімет отырысында Денсаулық сақтау министрі Алексей Цой Қазақстан Республикасында КВИ-ға қарсы жүргізіліп жатқан вакцинация және эпидемиологиялық ахуалды тұрақтандыру үшін жүргізіліп жатқан шаралар туралы айтты. Бүгінгі таңда өңірлерде шамамен 188 мың доза вакцина бар. Айдың соңына дейін 2 млн. азаматтың вакцинацияға қол жеткізуін қамтамасыз ету жоспарлануда. «Қажеттілікті ескере отырып, егу пункттерінің саны үнемі артып келеді. Бүгінгі таңда өңірлерде иммундау 1051 егу пунктінде жүргізілуде. Алыс аудандарда, ұйымдасқан ұжымдарда, адамдар көп жиналатын жерлерде КВИ-ға қарсы вакцинация жүргізу үшін 303 көшпелі егу бригадалары жұмылдырылды. Иммундау науқанына 10 мыңнан астам медицина қызметкері тартылған. Ауыл тұрғындары үшін вакцинацияның қолжетімділігін арттыру мақсатында КВИ-ға қарсы екпелерді жылжымалы медициналық кешендерден алуға болады», – деді А.Цой. Денсаулық сақтау министрлігі халықты вакцинациялаумен қамтуды ескере отырып, КВИ таралуының даму болжамын өзектендіруде. Нақты сценариймен және кестеге сәйкес вакцинациямен қамту арқылы тіркеу мамыр айының ортасында шыңымен күніне 4000 жағдайға жетуі мүмкін. Бірінші кезеңде вакцинацияның әсері иммунитетті дамыту үшін қажетті уақытпен шектеледі. Кейіннен вакцинацияның әсері күшейіп, елдегі эпидемиологиялық жағдайдың тұрақтануына әсер етеді. Қазақстанда 20 сәуірдегі жағдай бойынша covid-19 оң нәтижесімен 292 250 науқас және КВИ-мен 51 890 жағдай тіркелген. Эпидемиологиялық жағдайды бағалау матрицасына сәйкес республика 22 күн бойы қызыл аймақта. Ағымдағы жылдың наурыз айының соңынан бастап эпидемиологиялық жағдайдың нашарлауы байқалады, ол апта сайынғы сырқаттанушылық алдыңғы аптамен салыстырғанда 46% – ға өсті. Алайда, ағымдағы аптада алдыңғы аптамен салыстырғанда апталық сырқаттанушылықтың өсу қарқынының наурыз айының соңынан 46% – дан өткен аптада 6% – ға дейін төмендеу үрдісі байқалады. Өткен аптада өлім-жітімнің өсуі алдыңғы аптаға қарағанда 22% – дан 8% – ға дейін төмендеді. Бүгінде барлық өңірлер күшейтілген санитарлық-эпидемиологиялық шаралар қабылдады.