Адам өз денсаулығын және айналасындағы адамдардың денсаулығын қорғау үшін алатын барлық пайдасын түсініп, вакцинацияға ерікті түрде баруы керек. Бұл туралы ҚР Президенті жанындағы Орталық коммуникациялар қызметінде өткен брифингте ҚДСЖМ ҚМУ эпидемиология және дәлелді медицина кафедрасының доценті Рафаиль Қыпшақбаев мәлімдеді.

“Вакцинацияланған адам, оның иммундық жүйесі дайын, антиденелер дамыған және, тиісінше, организм вируспен кездескенде тиісті түрде әрекет етеді, иммундық жүйе дайын болады. Ауырып шыққан адам – бұл лотерея сияқты. Сонымен қатар, ол лотерея жеңіл асимптоматикалық ағымнан ауыр ИВЛ-мен және өлімге дейін болуы мүмкін”, – деді Р. Қыпшақбаев.

Вакцинация әлемге 1796 жылдан бері белгілі. Сарапшы қазір ХХІ ғасыр, дәрігерлер вакцинацияның пайдасы мен қажеттілігін әлі де дәлелдеп жатқанын атап өтті.

“Халықтың төмен пайызы вакцинацияланған және бұл өкінішті. Себебі вирустың мутациясы өте жиі кездеседі: вирус – бұл ақуыз қабығымен жабылған жасушадан тыс тіршілік түрі. Демек, өмір сүру үшін оған бейімделу керек. Өкінішке орай, вирус тезірек бейімделеді”, – деді доцент.

Әрбір жаңа мутация – бұл вирустың көбеюі, бұл инфекцияның тезірек пайда болуына және ауру кезінде өзгеретініне бағытталған. Бұл жағдайда вакцинацияланған адамдарда ерекше бонус бар.

Сондай-ақ, ол вакцинацияланған адамдар арасында өткізілген ұтыс ойындары туралы айтты:
“Вакцинация – бұл халықтың игілігі. Біз қандай да бір акциялармен халықты вакцинацияға тартудамыз, онда автомобильдер, пәтерлер ойнайтылу түісініксіз. Екінші жағынан, егер пандемия төмендеген кезде ұжымдық иммунитетке қол жеткізу үшін халықты вакцинациялау біздің міндетіміз болса, онда неге болмасқа. Бірақ бұл шаралар тек игілік үшін болса. Алайда, менің ойымша, адам өз денсаулығын қорғау және қоршаған ортаның денсаулығын сақтау үшін вакцинациядан алатын барлық пайдасын түсіне отырып, вакцинацияға ерікті түрде баруы керек”, – деді Р. Қыпшақбаев.