2018 жылғы ақпанның 08-і күні ШЖҚ «Павлодар қаласының №3 емханасы» КМК Қазақстан Республикасы Парламенті Мәжілісінің депутаттары Магеррамов Магеррам Мамедович, Микаелян Наринэ Гамлетовна келіп басшылықпен кездесті.

1. Сапардың мақсаты Павлодар облысындағы емхана қызметтерінің жұмысы болып табылады. Емхананың бас дәрігері Каирлы Сартайұлы Қабулов депутаттарды емхана жұмысының ішкі құрылымымен, сондай-ақ «Сандық Қазақстан» мемлекеттік бағдарламасы аясында енгізілген жаңалықтармен таныстырды.

2Кездесу барысында қайта ұйымдастырылған ақпараттық-анықтамалық қызметтің жұмысы көрсетілді.

3. Келесі ақпарат орналастырылған LED-экран көрсетілді: дәрігерлердің жұмыс кестесі, нормативтік-құқықтық база, ТМККК бойынша дәрілік заттар тізімі.

4 Ақпараттық-анықтамалық қызмет әкімшісі электрондық кезек, сондай-ақ өздігінен жазу терминалы арқылы қабылдауға жазылу қалай жүзеге асырылатынын көрсетті.

5 Одан әрі маршрут бойынша қонақтар БДК ( баланы дамыту кабинеті) барды, онда БЖАБЖ бойынша үйлестіруші А. К. Қазыбаева жаңа ресурстық орталықтың жұмысы туралы айтып берді.

6. Сандық жүйеге енгізу аясында учаскелік дәрігерлер мен мейірбикелер 100% планшеттермен қамтамасыз етілген, бұл емханадан тыс деректерді енгізу бойынша жұмысты оңтайландыруға мүмкіндік берді.

7. Кездесу соңында қонақтар емхананың жұмысына оң баға берді.