«Павлодар қаласының №3 емханасы» КМК- ға жұмыс сапарымен облыс әкімі Асайн Қуандықұлы Байханов пен облыстық денсаулық сақтау басқармасының басшысы Әнуар Қанашұлы Бұйрашев келіп кетті.
Сапардың басты мақсаты – 2023 жылдың қыркүйегінде «Үздік тәжірибе орталығы» жобасы аясында ашылған Жастар денсаулық орталығының (ЖДО) жұмысымен танысу еді.
Бүгінгі таңда орталық облыстағы басқа медициналық ұйымдарға тіркелгендерді қосқанда, 74 мыңнан астам адамға қызмет көрсетеді.
Мұнда 10-35 жас аралығындағы емделушілер акушер-гинеколог, уролог, дерматовенеролог, терапевт, психолог, заңгер, педиатр және әлеуметтік қызметкер сияқты мамандардың қызметін ала алады.
Пациенттерді қабылдау алдын-ала жазылусыз және жолдамасыз жүзеге асырылады.
Аймақ басшысы ЖДО қызметімен танысып, бұл бағыттағы жұмыстардың маңыздылығын атап өтті. Орталық облыстың «жастар» санатына жататын тұрғындарды медициналық көмекпен қамту арқылы, емхана учаскелерінің жүктемесін азайтуға мүмкіндік береді. Ал бұл өз кезегінде медициналық қызмет сапасының артуына әсер етеді.

Photo Valeriy BUGAYEV