Жиі әлеуметтік желілірде,  мессенджерлерде,                            СМС-хабарламалар арқылы дұрыс ақпараттандырылмаған адамдарға лайықталған АИТВ-ның азық-түлік (Қытай, Ливия және өзге елдерден әкелінген банан, тауық еті, шұжық, пепси және т.б.) арқылы таралуы туралы расталмаған, жалған ақпарат таратылуда

Өтініш, есіңізде болсын:

АИТВ жұқпайды:

• қол алысқанда
• жөтелгенде, түшкіргенде
• бассейн, монша, әжетханаға барғанда
• жәндіктер шағып алғанда
• достық сүйісулер арқылы
• ыдыс, киім, төсек жабындылары арқылы
• үй жануарларымен қарым-қатынаста болғанда
• азық-түлік арқылы

АИТВ-ның берілу жолының үш түрі бар:

• жыныстық — гетеросексуалдық және гомосексуалдық қатынастар кезінде
• парентералдық — қан және оның құрам бөліктері арқылы, шырышты қабықтың, терінің бүтіндігі бұзылған жағдайда
• перинаталдық — анадан балаға — босануға дейін, босану кезінде және босанудан кейінгі кезеңдерде

Жыныстық жолмен берілуі

Қорғаныш құралдарын пайдаланбаған жағдайда (яғни, мүшеқапсыз) болған жыныстық қатынас дені сау серіктесіне  індетті жұқтыру қаупін тудырады.

Қан арқылы берілуі (парентералдық жол)

АИТВ-жұқпасы бар адамның қаны бар шанышпалы құралмен тері қабаттарының бүтіндігі бүлінге жағдайда жұғады. Бұл инені, шприцтерді, сақалқырғышты қолдану кезінде, дене әшекейін енгізу барысында болуы мүмкін. Кез келген зарарсыздандырылмаған шанышпалы құралдар жұқпаның берілу көзіне айналуы мүмкін. Жұқпаның бұл берілу жолы инъекциялық есірткі тұтынушылар үшін кем дегенде «лас» жұқпасы бар инені бір қолғанғанның өзінде аса қауіпті болып табылады.

Анадан балаға берілуі (перинатальдыжол)

Вирустың берілуі анадан балаға жүктілік, босану (ана қаны арқылы жұғу) және омыраумен емізу кезінде (жұқпаны жұқтырған анадан дені сау балаға омырау сүті арқылы да, жұқпаны жұқтырған баладан дені сау анаға омырауын тістеу кезінде де) іске асады.